Chin Ramkulh Budget Zatek 61 In Lamzin le Lilawn Tuah Ding

Chin ramkulh ih 2018 – 2019 sumpai kum ah ramkulh budget zatek 61 cu lamzin le lilawn tuahnak ah an hmang ding tiah theih a si.

2018 – 2019 sumpai kum ah ramkulh budget hi million 144896 hrawng a si tiah theih a siih cumi sung ihsin zatek 61 cu ministry of construction ih hnatuannak project hrangah hman a si ding tiah theih a si.

Chin ramkulh acozah speaker sipin tlangbawi U Soe Thet in “a hleice ih hmannak ding hi lamzin hrangah hman ding a tam, kan lamzin a țhat lo tikah lamzin hrang hlir si ko, zatek 61 cu lamzin hrangah kan hmang ding, ramdinkhawm budget khal, ramkulh budget khal cutiih hman tam a si, hiti ih kan hmannak cu kan lamzin a țhat lo tikah khawpi pakhat le pakhat pehpar-awk a ngah lo, hmun khat le hmun khat pehpar-awk a ngah lo tikah buainak hi a tam cuang” tiah simnak a nei.

Chin ramkulh ahhin ramkulh budget le ramdinkhawm budget ti’n hman ding phunhnih in a um ih ramkulh budget ihsin million 67050, ramdinkhawm budget ihsin million 28945 a siih cumi sungin zatek 61 cu lamzin le lilawn tuahnak hrangah hmang dingin ruahmannak neih a si.

Thildang hmannak ding pawl cu ramkulh acozah hrangah million 21334 (zatek 19), meisa lam tlangbawi zung million 8431 (zatek ?, sipin million 6947 (zatek 6), ramsung tlangbawi zung million 4656, lothlo vulhzuat le tihriat tlangbawi zung million 949, khawkhannak tlangbawi zung million 872, harhdamnak le letpannak tlangbawi zung million 368, khursuak le kiangkap kilkhawinak lam tlangbawi zung million 299 an si.

Ramdinkhawm ihsin budget thlak mi cu ministry of construction ah a tam bik hman ding a siih million 28945, a pahnihnak ah ministry of education ah hman ding a siih million 24633, a pathumnak ah ministry of health and sport ah hman ding a siih million 18302 a si thu theih a si. Ref : Khonumthung