Nunau Pakhat Cun A Tlangval Cu Nam In A Dawt Ih Thi Lo Ding In Zangfah A Dil; Video

Lamzin pakhat ah nunau pakhat cun a tlangvalpa cu nam thawn vei tampi a dawh hnuah thi hrih hlah aw maw tiih a hnam ciamco lai vedio cu online ah nasazet ih a lar ruangah cui nunau cu an kaih ngah tiah theih a si.

Mixico ram Hotel La Cascada kiang ih thilcang mi a si. Erick le Sonia cu duh-awknak thuhla ah țongkam an el-aw ih cutin nam in an dawt aw. Vedio ih an țongkam lang dan ah fala Sonia cun “amah in i thawi, that khal i tum” tiah a țong ih Erick ve cun “thu dik lawng kha rel aw” tiah zangfah a dil.

Hi caan ah Sonia cun “i zangfah hram aw, thi hrih hlah aw maw” tiah pom phah in a țong ciamco. Erick cun a kiangkap minung pawl cu “amah in i that duh rori” a ti tikah Sonia cun “kei ka lo that lo, ka lo duh tuk si, hitin thil tuah dingah ruahnak khal ka nei dah lo, asina’n na tuahmi tla kha relsuak aw” tiah a sanglet.

An kiangkap ih minung pawlin palik zung ah phone thawn thuhla an sim. Palik pawl an ra thlen tikah tlangvalpa cu siizung fehpi dingin an sim tikah an motor ih datsi in a daih lo ding, fehpi theih a si lo tiah an rak a nuar. Curuangah ah siizung motor an ko sal ih siizung motor cu suimilam pakhat hrawng a rei hnuah a ra thleng tiah ramsung Media in a tarlang.

Erick cu emergency in operation an tuah thei ruangah a nunnak thlaphan a um loih Sonia (kum 20) cu nam hmangih mi dawt thubuai in an kaih tiah theih a si. Ref : PPL

Video;