Itthat Khawhlonak In Thi Feh A Diklo Ter Thei

Ih khawh lo tuknak hin thisen feh dan, lung lam hnaṭuan a tibuai thei ti cu tui hlanpi ihsi khan mithiam pawlin an hmusuak zo. Asinan, cu lawng a rak si lo, tu naiih an zirsalnak ihsi an hmuhmi cu ihhmuh khawhlonak hin thisen fehdan a tibuai thei ti hi a si.

An zirnak ihsi an hmuhfiang mi chu minung, mi pitling pakhat hin taksa harhdamnak dingah ni khat (nazi 24 sung) ah nazi 7 sung tal ihhmuh ka thaw teih a ih a ṭul, ti a si. Cuti ihhmu ka thaw tei a ih ṭheu lo ahcun lehhnu-ah (a rei maw rei lo maw) a taksain siatnak a tawng thei a si.

Minung hi kan ihthah dan le kan lung (heart) hin pehtlaihawknak thuk zet an rak nei ti hi tui hnu mithiam pawlin fiang takin an hun hmu suak sal. Ihthah caan a mal tuk, ih kan khawp lo tuk ṭheu a si ahcun kan lung thihri lamah thisen an khal theiih cu cun kan taksaah siatnak a phun phun a tuah thei.

Colorado State Bulta University mithiam sang pawlin an zirnak ah cun – mi pakhat khatin ih a khawp lo tuk ṭheu a sile a thihri sunglamah thau an bet tam awl cuang ih, cu cun ruah lo piih taksa zeng nat ( ေလျဖတ္) simaw, lungnat (ႏွလုံးထိခုိက္ျခင္း) simaw a nei awl duh ce, an ti. Ih kan khawh lo tuknak hin thisen fehdan a hmaan lo terih cu cun lung lam thawi peh-aw nat a phun phun a suahter awl hleice a si bik.

Colorado lamih thiam sang pawl lawng si lo, Experimental Physiology in an journal-ih an ngan khum danah cun ni khatah nazi 6 simaw, cu hnakih mal simaw lawng it ṭheu pawl cu an thihri sunglam cell pawlin duh vekin hna an ṭuan ṭha thei ṭheu lo, an ti.

Cuvekih cell pawl, an ṭuan ding vek an ṭuan thei cu-ca lo tikah cun thihri sungih thî pawl awl-ai ten an luang thei nawn ṭheu loih, taksa peng hran hran pawlin an duh vekin thisen an ngah thei nawn lo. Cutiih taksa ṭhenhrek pawlin an duh vekih thisen an hmuh lo tikah lung (heart) in a tuar la la hleiah taksa peng dang dang khalin siatnak an tawng ṭheu a si, tiah Experiment tuahnakih hohatu Professor Disuza cun a sim.