Ziangruangah Leitlun Huap Ih Smart Phone Larmi US Ah Zuar Lo?

Ziang Ruangah Huawei Smartphone Pawl Hi Leitlun Huap In An Lar Zet Nan US Ah Zuar A Si Lo?

Huawei smartphone cu leitlun huap in zuartam bik mi pahnihnak si hman sehla US ah cun hmuh ding har zet a si. Technology lam ih company tum pipi a si mi Google, Intel le Qualcomm pawl in Huawei thawn an peh tlaihnak an cat ter hnu in Huawei cu US ah a hlan hnak hman in hmuh ding a mal sinsin. Himi cu President Trump in rampi sungih um mi thu (information) le pehtlaihnak (communication) pawl hrangah Huawei hi ṭih a nung a si a ti hnuah hi thil hi a cang. Curuangah, ziangvek company khal in Huawei ah thil a zuar lole lei duh sehla, US sungah cun cozah hnenah siannak dil ta a ṭul a si.

Google thawn an pehtlaihnak a cat vekin, China ram leng ih zuarmi Huawei pawl cun Android software update pawl, Google app, Gmail, Play Store tipawl a ngah nawn lo ding tinak a si tiah Reuters (thuthang website) in a ti a si. Cuvek thotho in Intel, Qualcomm, Broadcom le Xilinx tla in Huawei cu an company ih suah mi thilri (chips) pawl an zorh nawn lo ding a si ti in Bloomberg (thuthang website) in a ti a si.

Harsatnak tampi Huawei cun US ram ah tong hman sehla, leitlun huap in a lar zet thotho a si. Kum 2019 ah leitlun ih smartphone dawrawknak market a ṭumsuk tlang pi nan Huawei cu an zuar mi a ṭumsuk ve lo, a ṭhang lam sawn a si. Huawei a hminthannak san hrekhat cu a mawi zet mi a design le a ṭha zet mi a camera ruangah a si. P30 pro tla cun camera pali a nei.

A cemera ṭhat ruangih theihlar zet mi Google’s Pixel 3 thawn an tluk aw lole a ṭha sawn ding tiah tla rel a si. Zuar tambik a si mi Samsung vek thotho in Huawei khal in a peh aw vivo in phone update mi series suah ve a si. A hlun deuh mi Huawei smartphone le a model thar deuh mi pawl cu an man (price) kha a ṭha ih a man tuk ruangah leitlun ih smartphone zuarkhawg bik a sinak san a si ding tiah IDC in a sim a si.