Hari Raya Eve Accident in Kum 7 mi nauhak nute ih thihnak a thlen

June 4 zan nazi 11:55 pm, Kampung Selarong Batak, Kuala Kedah ahcun kum 7 mi nauhak nute cu a sungkua a simi mi 3 thawn Hari Raya hmang ding ah motor thawn an feh rero lai ah Palik motor pakhat thawn naa zet in an tteih aw, cutikah Kum 7 mi nauhak nute, Nur Qistina Qaisara Abdullah, cu a hmun ah a nunnak a liam cih ti’in Kota Setar district police chief ACP Mohd Rozi Jidin cun a sim fiang.

Kum 18 mi driver cun a lu ah le a awm hrawng ah hliam hma na zet a tuar, Kum 30 mi nunau ih ke cu a kiak ih kum 3 a si mi nauhak nute cu himdamten a luat ngah ti’in theih a si.

Cun, palik motor ih rak umtu palik pahnih, kum 56 le 57 mi cun hliamhma tenau lawng tuar in himdamten an dam khua suak. Thih a tuartu kum 7 mi nauhak nute ih ruang cu Sultanah Bahiyah Hospital ah ret a si.

Notes:
Thihnak hin upa,nauhak ti in mi a thleidang lo, thihnak cu mi zozo par khalah thleng thei mi a si. Pathian thei tu le Jesuh Khrih nei tu si hi a thupi bik mi a si. Mai Esther Nilly Zahau