Leitlun Thuthang

 

Rusia le Ukren cu tuni tiangah helecet tin an thua aw rero lai. Ukren lam khal tlawm an tum lo vekin Rusia lam khalin hmai an nawr ngaignai thei nawn lo. Rusia lam in an rak lawnsak mi Nuclear Power plant kiangah tu hi an kap aw rero. Cumi Nuclear power plant cu leilungtlun ih a tumbik mi a si. Ukren lam cun, Rusia pawl bom ruangah a siat pang ding an phang zet. Ziangah tile an kah ngah pang cun tuah that sal ding thil harsa a si hlei ah a dat khu pawlin minung le ransa pawl a siat suah ding ruangah a si.   

Harhdamnak 

Covid-19 khal tuni tiangah reh zai a rel hrih loih, nat a kaitu, an tam can le an man can ti lawngin a si bik ko. US lam khalah hi virus hin a nuai rero lai. A san dan ih zirin Mask (hmai huhnak) hmun thenkhat ah loh theih loh in an hmanter ih a niamnak ahcun mask hmang lo in an um. Virus nat khamnak khal a phunphun an suah ih tu khalah a thazetmi ti ih ruah pakhat a suak sal ding.  

Monkeypox an timi Zawng Sahlah hi leitlun a deng suak lala ih US hmun thenkhat cu a deng nasa. A nat kai dan cu Covid thawn a bangaw lo nasa. Zawng sahlah cu taksa daiawknak ihsi suan aw theimi a si. Upa nauhak tiloin a suanaw theimi a si. Nauhak pawlin an tuar hleice ziangah tile tlawng an kainak ah pakhat le pakhat an umtlan le leknak taksa daiawknak in an suan-aw. Cu ruangah nan thuamhnaw le an hmanmi thil pawl an tawmaw lo pei ih cuvek hrik thawn na na a si khalle midang thawn umtlang in mah ten a cang thei tawkin na fianhrial aw pei. Cuticun, na kiangkap le na sungkua na suan lo deuh ding a si.