US tuahmi X-59 Supersonic jet
Leitlun technology zuamawknak ah ralthuam lam khal a tel. Ram lian pawlin Supersonic vanzam an timimi awn hnakih fehcak turu tak nei dingah an zuamaw rero. Culai ah US hi a zuampi ram Rusia le Tuluk thawn tahthim cun a hnufual deuh ti rero kha a si. Tuluk le Rusia cun awn hnakih cak fighter vanzam pawl an tuah rero lai ah US cun cuvek tuah ding program thawmvang a rak nei hrih lo ti a si. Tucu Nasa ih tuahmi X-59 supersonic cu duansuah in a um ve ta. US hrangah thawmvang tha a si rualrual in Tuluk le Rusia hrangah cun mangsia a si ve thung. Hi X-59 supersonic jet cu tunai ah Palmdale hmun Lockheed Martin’s vanzam tuahnak ah a ra thleng. Lockheed Martin company in a tulmi technology thiamnak thar tete an bun bet ding ti a si. NAsa cun hi vanzan hi awn hnakih rangin feh dingah a design ih a vanzam awn khal theih theih fang ih dai dingah a tuah. Tu kum sungah techinology kimcang bun hnuah test tuah thei dingin zuam a si.
Landsister City ih hmaitlan siniar Verdy cu ManU in lei an tum thu
ManU team cun hmaitlan C Ronaldo thuah an fiang hrih lo ruangah hmaitlan ding mi thar lak an tum ih cu mi an lak tum mi lakah Atletico Madrid team ih Morata le Espanna team ih Ditomes le Bologna team ih Marko Arnautovic ti pawl cu lak an tum mi pawl an si. A sinan ManU Coach Erik Ten Hag cun bawhlung sit a thiam aw poh ti men in lak a duh lo ih mi thiam hleice lo le thiam filawr pawl lawng lak a duh sawn ruangah Jamie Vardy cu la dingin an hmuitin zawn mi a si. Bologna team ih Marko Arnautovic cu an sawm hmai mi a si nan Marko Arnautovic cun an sawmnak cu a rak hnawl ruangah Jamie Vardy cu an hmuitin salnak a si. Jamie Vardy cu kum 35 mi si in Leicester Team ah kum 10 luan lai rak lek dah zo tu si in kum 2018 ih world cup a cem in England football lek thiam a sinak in a cawl ta. Jamie Vardy cu Leicester thawn lungkim tlangnak siil an sut mi hi kumkhat fang lawng a tang thlang ti asi.