Brandon Vera Vs. Aung La N Sang Official A Si Zo
ONE Championship, Mixed Martial Arts khawvel ah leitlun mipi in hmuh kan cak duahdomi le ONE Championship Company khalin a rak hngakhlap thup zetmi ONE FC ih HEAVYWEIGHT WORLD CHAMPION a si mi Brandon Vera le ONE FC ih MIDDLEWEIGHT & LIGHT HEAVYWEIGHT WORLD CHAMPION Aung La N Sang cu an thongawk taktak thlang ding thu Official in puan a si zo ta riai.
Brandon Vera le Aung La N Sang an thongawknak dingih thuhla a ra suahdan cu, tuisun (March 31, 2019) ah Japan ram Tokyo khawpi ih “A NEW ERA” ONE Championship ih tuahmi ah Aung La N Sang le KEN HASEGAWA cu Co-Main Events in an thongawknak ah Aung La N Sang cun Round 2nak ah Knockout in nehnak a co. Nehnak cotu Aung La N Sang cu stage parih thusuhnak an neih lai rori ah Brandon Vera hin a zuam thu (challenge) a sim ih Aung La Sang khal cun ONE Championship neitu hnen ah lungkimnak sut ta in a rak lungkim ve ta a si.
Brandon Vera hi zo a si?
Brandon Vera hi tufang ONE Championship ih Heavyweight ah leitlun ih micakbik (World Champion) a si. Anih hi hivek Mixed Martial Arts lam paih zetmi a si ih a nauhaktet lai ihsin hi rori rak buaipitu a si. Leitlun ih Mixed Martial Arts lekawknak tumpi asimi UFC khalah kum reipi rak lekin World Champion rak si dah rero zotu a si.
American-Filipino Brandon Vera hi 191 CM a sangih KG 120.2 a rit. Tu ah hin kum 41 a si ih Leitlun ih micakbik (World Champion) taikhap kum rei zet kawltu a si.
Aung La N Sang hi zo a si?
Aung La N Sang cu kan theih ṭheh cia bangin ONE FC ih MIDDLEWEIGHT & LIGHT HEAVYWEIGHT WORLD CHAMPION a si ih, Champion taikhap a kawlnak a rei zet ve thlang. ONE Championship ahcun hminthangbik a si kan ti le a sual lemlo ding. Tuisun khalah Japan micak KEN HASEGAWA cu Round 2nak ah knockout rorin a neh a si.
Myanmar saphai Aung La N Sang hi 185 CM a sangih KG 93 a rit. Tu ah hin kum 33 a si ih ONE FC World Champion taikhap pahnih rori a kawl remrem ve a si.
Brandon Vera Vs. Aung La N Sang hi ziangkim in an thlau-aw zet, HEIGHT khalah, WEIGHT khalah, AGE khalah an thlau-aw zetih leitlun mipi ti anhai zettu an si. Zo deuh in a neh ding ti cu an zumhmang an aukio celcel. Leitlun ih misual thiam hminthang pawl cun “Brandon Vera hi nehtu a neih nawnlo ruangah a umhar tuarlo ah maw si” an ti ve.
Aung La N Sang ih fans pawl cun Aung La N Sang in a neh thotho ko ding tiah thapeknak nasa tak thawn an ṭang ve nasa. Ziang a si khal le a tikcu a kim tikah kan rak zoh hnik pei cu… A hnuai ah Brandon Vera ih misual mipawl le Aung La N Sang ih misual mipawl rak zoh ve hnik aw.
Brandon Vera in stage parah Aung La N Sang a zuam (challenge) lai Video;
Cheng Vs. Brandon Vera full fight;
Aung La N Sang Vs. Ken Hasegawa 2
The Chin Times.