Rom Empire Tluksiat Dan

The Fall of Roman Empire The Roman Empire was one the biggest, largest, and strongest empires in the World. The empire had many borders which were constantly attached by barbarians. Later, the Romans and Barbarians were living together. But a lot of misunderstandings and chaos caused the war inside and outside the empire. Because of many reasons, the Roman Empire came to an end.

AD 476 September ni 4 ni ah Rom lalram tawhram a thawhkehnak kum 1000 hnu ih a netabik Rome Empaya uktu Romulus Augustus cu a lal tohkham ihsi hlawntlak a si. Cumi a hlawnthla theitu cu Barbarian Odessa a si. Rom lalram kohzia cu 1.9 millian square peng huappi a si ih cucan cu Rom lalram a cah vang lai tak khal si fawn. Leitlun ih um dah lole hmuh dah kel lo, Ralkap lam khalah leitlun ih a cakbik le a thangsobik ralthuam a neitu khal an si. A cahnak le a hmin thannak cun san tampi a rak fangsuak thei. Cuti lai ah babarian pawl khalin hmun tin le ramri tin deuh thaw ah an do ringring ve. Cutluk a cakmi Rom cu babarian ih catbang lole raltha zetih donak ruangah an ramri an hloh vivo. Cutin lalram siangpahrang Romulus san ah cun an lalram cu Italy hnakih kau deuh fang lawng atang thlang. Byzantin empire an timi Rome empire nisuahnak lam cu AD 1453 tiang a ding suak thei ih Rome nitlak lam lalram cu sencuri 5 ah hmuh sal ding um lo khawpin a ziamral. A netnak ah cun, Rome pawl ih tawntainak; an ral babarian miphun pawl lak ihsin an humhimawk thei lo ruangah an lalram kaupi cu a cemral ta.

Rome empire nisuahnak lam in an ral an neh lo ruangah barbarian miphun pawl cu Rom empire sungah tampi an run vailut.

Cumi mipemthar pawl cu AD 376 hrawngin an lut rero thawkih Rom miphun pawlin le ngaih thah le refugees dinhmun sekha zetin an rak zoh. Harsatnak an tawn khalah bawmnak an pe lo ruangah harsa zetin an nung ih ei le in rawl an ngahnak dingah an fale tiang khal sal an an zuar, cuti cing cun uisa sa siava lawng an ngah thei. Cutin an zoh that lo tuk le dekcawktuknak ruangah Gothic ral timi Rome mi pawl le mipemthar barbarian pawl karah ral a tho. AD 378 ih Adrianople doawknak cun Rom ralkap lakah siatralnak tumpi a thlenter. Rome ralkap thuanthu ih an siatral tampi tum khal a si hngehnge. Goths cun nisuahnak lam Empier uktu pawl cu Valens lole Adrianople pawl ah ral a tho ih Rom ralkap then 3 ih then 2 an thi. Cumi hmun pawl cu tu san ih Turkey ram khi a si. Cu tawk doawknak thiamthiam nisuahnak lam uktu khal thah a si fawn. Cumu ral titawptu cu empier uktu Theodosias a si ih Goths miphun pawl rom empire sungih umsiannak petu hmaisabik khal a si.

Goths ralkap pawl cu zalenzet in Rom ralkap level sinak khal peksiannak a pe cih fawn. An mipi pawl khal rom mipi thawn umtlan theinak an pe. Asinan, a lakah hmuhthiamawklonak a suak sal. Alaric siangpahrang cun Rom do sal dingah thutluknak a tuah. Theodosias san ah cun hi miphun pawl cu rualrem ten can khat sung cu an um ko nan. Theodosias a thih hnu a fale Norris and Cardenas lal san ah boruak a tha sal nawn lo tinak asi. Cu san tak ah cun Norris le cardenas cun Rom Empre a hrek veve a awp. Rom thawn rualrem ten a ummi Goths miphun pawl Visigoth tin an ko ih a san cu Goths nitlaklam mipawl tinak a si. Rom mi pawl thawn hmuh thiamawklonak a suak sal ih Visigoths pawl cun Alaric cu an siangpahrang ah an hril cucu Rom Empre cu an nawr thawk. Alaric cun Rom nisuahnak lam hlawtling in a neh hnu cun ni tlaknak lam khal an derthawng ti a fiang vivo.

Alaric fun AD 401 ah Rome cu a kulh thei lawk nan, miraltha ralbawi Siloko cun a dawisuak thei sal. Empier uktu Norris cun Alaric donak kham thei dingah an khawpi khal Ravenna ah a thawn; cui hmun cu tu san ah cun Venice a si. Cu theh in AD 408 ah Noriis cu a ralbawibik le rom a kil vengtu Silico cu a that. Curuangah rom cu sangka nei lo lole kilhimtu tha nei nawn lo vek a si. Cuti cun Alaric cu Rom bei dingah AD410 ah a tum 3 nak a pawk sal. Hi can ah cun dotu mumal khal a nei nawn lo ih Rom cu nget ih eimi vekin a siat ral cuah co a rak si bik ko.

Norris cu a lungbuai in a thinbang lawk ziangah tile a ar duh zet Roma a thi ah a ruat a sinan, a thei fiang sal cu Rom sawn a rak si tikah an thinbang sawn a zangkhai riangri. Cutin Rom nitlaklam an sung cu Rom empire a phelthluhnak ding a nai ruangro tinak a si. Rom empire pi a tluksiatnak khal barbarian burpipi tampak a pung ih rom rari kip le khawpi kip tah an do thei ruang le uktu an ret vivo thei ruangah a si. Constantin pa 3 nak cun Britania le Gaul cu lak sal tum in a bei ve nan, kha tawkih um pawlin an rak dolet nasat tuk ruangah Norris ih bawmnak tul loin constantin hopawl cu an rak kham thei ruangah Britannia cu kumkhuain Rom in a hloh lanta.

Constantin cu AD411 ah thah a si. Cutin Empirepi cu harsatnak a phunphun a run hmasawn vivo. Germanic miphun pawl kha Rhine le Pillage paltlangin Hispaniola ah bu an khuar. Suebi miphun khalin Hispaniola nitlaknaklam cu an la thei. Cu tawkah Suebi miphunpi ihsin pengkhat a simi Vandals pawl cu Siangpahrang Ganser in a ho. Ik pawl khal thlanglam in an ra ih Gibraltar le Sak Africa khawwmual zate deuh thaw an la. Cutawk hmun ihsi cun Sicily le MEditerranian tipi ih um tikulh tete pawl cu an hei awp ban.

Dinhmun tha a cotu Visigoth pawl cun Gaul ih thlanglam ram pawl an la thei ih Nordias hnen ah lungmeihawl thawn thlengaw in Hispaniola ih barbarian pawl dawi hlohnak dingah an hmang. Visigoth pawl cun a rei hlan ah an tanrualpawl thawn kawmkhawm aw in humtu nei lo Rom leiram thenkhat pawl an la. Taylor an sim hlanah Han cun Empire pi thawn tangtlang dingin a rak dil. Gawul ram so velah buainak tampi a suak. Curaungah Rom ralkap tampi an thi lala. Cumi cu cantha ah la in Visigoth pawl cun a tawitaimi Rom tangtlang pawl cu a bei sal ih Spinier hmun khal a lak thei cule Visigo lalram a din hngehnge.

Aw le, tu dinhmun ah cun, rom empire pi nitlaknak lam cu malte lawng a tang thlang. Rom ralkap bawibik cun empire uktu Julius Napus cu AD 475 ah a kai ih a fapa Romulus cu Empire tohkham ah a toter. Culai ah, Mrathi barbarian ralkap pawl cun an hnatuan man ah tin Italy ramah hmun ram an dil. Cule siannak an hmu lo ruangah Odessa pawl cu ral an tho ve ih mi pawi mawh pawl an that hai.

Empire uktu cu kum 16 lawng a si lai tikah Odu Assa cu Italy siangpahrangah an ret. cule a thuneihnak power khal rom empire nisuahnak lam hrang lawngah a si. Cumi ih a langtermi cu nitlaknaklam ah Rom empire in thuneihnak a nei nawn lo tinak a si. Rom empire pi a tluk siatnak bik khal barbarian ral ruangah a si ko nan, Rom in a ukmi a koh tuk ruangah khal ah a si. A lal ram a kohdan cu Britain his Syra tiang a va si tikah an lakah pehtlaihawknak tha a um lo, roreldan tha neih khal a har, sukso lamzin khal a that tawk lo ruangah Rom empire pi cu a sungih nget in a ei tak vekin zamrang zet ding a caklai takah a tlu sia a si.

Italy ihsin hmun hlapi le tipiral khatlam ih ral khatlam ih ram va kilkhawi dingle ral va beih ding cu thil awl ai a si lo ruangah AD 285 ah empire uktu Diocletian cun Rom empire pi cu nitlaklam le ni suahlam tin a then ih uknak power bang aw empire uktu pahnih a tuah. Hi ruahnak cu can malte sung hrangah cun tha nasa ziangah tile an ramri le ramsung tha ten an kilkhawi thei ve deuh phah. A can rei vak lo ah nitlaknak lam lalram cu sumpai harsatnak ih a buahcih ih nisuahnak lam ve thung cu ram lian ah a hung cang. Nitlaknak lam cun thlacin leilet lam an uar ih an farah deuhdeuh. Ral khal an neih tam ruangah an sumpai khal ral beihank ah a heukhau. Barbarian ral si seh, a ram sung buai ruangah si she, nitlaknak lalram cun ralkap tampi an tul tikah ralkap in an budget tampi a la. Curuangah ramsung thasohnak ah zianghman an tuah thei lo ih ralkap hrang cemliam lawngah tangka a feh tam theu.

An sumhawlnak khal sal hnatuan ih a si bikih. An ram Trajan tiang an vun koh sin cu an ram kilvennak ah tangka tampi an hman bet vivo tikah a lut hnakin a suak a tam deuh thlang. Curuangah sal pawl tulmi thilri lole hnatuantu tulmi thilri pawl an pe mumal thei nawn lo ih an sumhnar a pit deuhdeuh. Ram in fund a neih lo ah cun ralkap khal thitha ih cawm le lak bet theih a si nawn lo. Curuangah Rom ralkap khal thatak le mithiam an man vivo, duh pohpoh manmal teih ralkap la (kawlram vek quality nei) an tam vivo. Cule veten an ramri pawl an kilkhawi tha thei nawn lo ih Barbarian pawl le sumdawn pawl an lutter ciamco. Cuvek pawl cun empire uktu thu neihnak cu ziangah an siar nawn lo ih tangka petu an pu le an ralbawipawl hnen ah an rinum sawn vivo.

A dang pakhat an bosam nak cu an empire hruaiawknak tha lo ruangah khal a si. A hnulam ih lalram uktu pawl cu daiban ding khal an si lo an khawpi khal vawi tam an thawn. Rom ihsin Arnhem ah, cu tawkin AD 402 ah Ravenna khawpi ah. Cule mai sungsuak ihsin lal pekawk sawng vivo a si fawn. An tlin le tlin lo lam si lo lal sungkua an si maw si lo ti lam sawn in a feh. A netabik an empire uktu tla cu Romulus kum 16 mi lawng te a si. An lal ram sung khalah lennak le farahnak a phunphun in a ciah ruang ihsin ei thupnak, le diklo zawngih tangka laknak an hruaitu hnen ihsi an pung vivo. A dang pakhat an tlaksiatnak san ih an ruah lala mi khal Christian sakhua a run cak vivo ruangah tla a si thei an ti mithenin.

AD 313 ah Christian sakhua cu Rom empire pi ih sakhua ah official in pawm a si. Christan sakhua ahcun Pathian pakhat lawng a si tik ah ram sungah mah te sakhua le nunphung biaknak rak nei fingfing an sinak thawn buainak tampi a hring. Rom pawl cun ramthar an nawr ih an ngah ve ten an rak biakmi kha an ram ih sakhua biaknak pakhat ah an pawm sak theu. Sakhua tampi nei thei an si. Pathian tampi neih khal an rak siang tik ah Empire uktu hmaisabik Augustus ih a pa Julius Caesar hman kha Pathian fapa vekih phuan a rak si dah.

Christan sakhua cun pathiam tampi neih a awih lo. Cutik ah hruaitu le thuneitu lak khalah buainak le harsatnak tampi a suah phah. Rom empire pi cu AD 476 ah tlusia hman sehla an ropitnak tete tuni tiangah teh ding a um. Rome Empire cu a hmin cun Byzantine empre tin nisuahnak lamah a nung tento ko nan AD 1453 ah a tlu sal thotho. Nitlak lam khalah Charlemagne siangpahrang cu Holy Roman empire uktu tiah lallukhum an hlan Ad 800 ah. Rom nunphun cun leitlun nitlaknak ram pawl a deng nasa. Tu ih Europ ram ih hman tampi tawng pawl khal khi an hram cu Latin a si; cu pawl cu French, Spanish, le Italan.

Latin Chritian sakhua khalin nitlaknak ram lamah hmai an nawr zet. Pople cu Europe ai-awhtu deuh thaw in Rome ah a to. Rom fimthaimnak le thansohnak cun Europe rampawl a cangkangter phah nasa. A tanglaimi Rome khawpi thenkhat pawl khal tutiang ah hmun thupi le thuanthu nei an si ringring lai. Rom vekih cahnak nei le leitlun hngawr ban cu tuni tiangah hmuh ding a um nawn lo ti a si.