Notice: Function _load_textdomain_just_in_time was called incorrectly. Translation loading for the trustnews-pro domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/u287797993/domains/thechinhillpost.com/public_html/wp-includes/functions.php on line 6121 A pakhatnak ah Myanmar ralkap lu bik / MIN AUNG HLAI telin a dang ralbawi 5 tla cu / british in hremnak a pek thu – The Chin Hill Post
Tuitum Myanmar ram buainakah hin / Ram tin deuhthaw cun / Myanmar ram thuneihnak a lawngtu ralkap cu / an dem nasa. Cubang tukin / tufang ih G-7 chairman ṭuan lai Britain khalin / ramtamkom pawl ih / an dem rero mi / Myanmar ralbawi Min Aung Hlai le / a dang ralbawi 5 pawl cu / hremnak a run pekih hleiah / pursum leilawnnak lam khal ah / an ram thawn / pehtlaih aw nawn lo ding khal in / a ti hngehnge. Cun Daw Aung San Su Gi le / mipi hruaitu pawl khal / thlahzalen dingin forhfialnak a nei cih ti ah RFA sirhsan in kan thei a si.
Yangon khawpi ah / mipi pawl cun / tanakha hnih tahratin lamzawhnak an neih laifangah / ralkap uknak a duhtu mibur pi cu / fung le nam thawn / ra suak tahratin mipi lawmzawh pawl cu / kut thlak in / thihnai an ra suah ciamco ti a si / cu mi hmunih a teltu mi then / rel danah cun / kutthlaktu pawl hi USDP party an si ti tu le / sumpai ih san mi an si ti tu an um. Cui hleiah / Yangon Hluttaw aiawh comeetee member / U Tint Lown khal in / mizan sun ih / thilthlengah a tuartu le / a neh lo tu sawn cu / ralkap an si tiah a rel ve. Ziangah hitin a rel / ti a si le / hriamhrei kai pawl cu / sangtu an um a si ti ah a ti / an sannak cabu khal hmuh theih in a um a ti fawn. Hi ti ih ralkap in / misual an san hi / hlawknak si lo in / sunnak sawn a si / mipi hrangah cun hlawknak sawn a si ti ah / ka ruat a ti. Cui hleiah Interview ah / ralkap an duhih an dinpi thu le / hmuh ding a um fawn lo a ti.
Lemcang thiam pakhat asi mi / Tu Rah Thuu in / a lungsung suak relnakah cun / hitin thuneihnak lawngtu thar hnuaiah hin / ṭhangthar nonawn pawl in / kan hmailam canih kan saduhthah le / kan tumtahmi pawl cu / a hloral ṭheh ding ti hi / ka phang nasa. Cun mipi ta a si mi / palik pawl in le / thlamuang zet ih lamzawhtu pawl cu / kham tahratin / ralkap duh sawntu pawl cu / zin an on sak riangri fawn. Mipi pek mi rawl eitu pawl hin / zo so an humhim sawn ding mi an si? ti ah suh ka duh nasa a ti. Cule ka hmuh tawn mi pawl ah / ka thin a na tuk / keimah ih ruahsannak / ka neih sun cu / diknak a um lo mi ram ah / rammi si ding hi / ka ruat ngam hrim lo curuangah / ka ruahnak thawn / ka donak san a si / tiah relnak a nei ve. A tangih video ah zoh peh aw….
