Donald Trump le Tailor Swift karlak thuhla

Far left Singer Taylor Swift hi President Donald Trump do zettu a si ve. Donald Trump dotu Politician/democrats pawl hrangah campaign a tuah ciamco ṭheu ih. Asinan campaign a tuahsak pawl hi tutiang an tling thei dah cuang lo. LGBT pawl hrangah nasa zetin tha a thawh ring ring. US Congress election laiih a campaign pi pawl an cak lo cingin politics ah a hmanawk deuh deuh ding thu a rel ih, a hla suak thar pawl tla politics lam hoi an si ding, a ti bet.

“Mino pawlin kan ram siatnak an phuansuah theinak dingin le vote an thlak thiam theinak dingin ka hna ṭuan hi ka bansan mai lo ding. Ka ruahdanah cun hi ka ṭuanmi hi ka hnaṭuan hmuah hmuah lakih poimawh bik a si,” tiah German publication RTL in Interview a tuahnakah a sim. Khat lamah cun Donald Trump hi ram hruaitu leader ṭha a si titu, American ramah an pung deuh deuh ve.

2016 Election lai ihsi khan a ral pawlin an relsiatnak bik cu president si dingin a fit lo tuk, ti kha a si. Caan a her vivo ih, North Korea thawi an karlak, China le Europe Trade war tivek pawl a tidan zoh cun American mipi lakah Donald Trump cangvaihdan a ṭha ko tiih a parih zumnak ṭhum ngam an pung vivo ve. Kan dung Ninga ni (Thursday) ah khan Gallup Poll an tuah la la ih, American mipi 40% cun Donald Trump cu President cak zet le ṭha zet a si an ti ih, quality le personality lawng si loin leadership kha a nei ṭha zet, an ti.

A liam cia kum 2 ah khan hi vekih president ṭha a si tiih zumtu hi 33% an si ih, cumi thawi tahṭhim cun point 7 in a hmat a kai tinak a si. Donald Trump cangvaih dan le ziaza (Character) a duhtu an pung vivo. Cuhnak hmanin a hnaṭuan kaih dan, a tifel dan duhtu/uartu an pung cak sawn. 47% cun American mipi nitin nunphung hrangih thil a tifel dan cu a ṭha rori, an ti.

Harvard CAPS/Harris Poll survey in a rel dan cun kum 2 sungah hin Donald Trump president a ṭuan sungih hnaṭuannak lam ṭhat bik caan a si, an ti. Trump sanah hnaṭuan a ṭha titu 48%, ṭha a ti lemlo tu 52% (March thlaah khan 45% a,siih a kai sawn). Sipuazi lam thu-ah khalah record a nei ṭha zetih,a duhtu an tam vivo. Hnaṭuannak lam a tawlrel dan cu 62% cun a ṭha zet antiih, sipuazi a kaih dan cu 59% in an lungkim pi.

Donald Trump sanah an ram mipi 39% cun a ṭha an ti ih, an hmailam seconomics cu 51% in a ṭha ko ding, an ti. Cun, sipuazi lamah cun 71% cun a ṭha tuk (very strong or somewhat strong) an ti. Hi hi poll an lak sungih petcentage a si ih, a ram pum cun a si lo. Mipi zaran lungput cu tam tak a lang ve. Source:Thehill.com