Korea Lemcang le hla sak thiam Gu Hara cu a inn ah thi cia ih hmuh a si

KARA group ih rak um dah mi hlasak leh lem cang thiam Gu Hara cu a liam cia November ni 24 ah a inn ah thi cia ih an hmuh thu palik zung ih sin thu thang theih a si. Gu Hara cu tuhlan a tlangval ih vuak le velh a rak tuar dah Cun a mah le mah khal thah awk a rak tum dah a si. Kha ti ih a rak thah awk tum lai ah a manager ih rak dawn manh ruang ah a thi suak lo .

Gu Hara cu A liam cia mi thla ih mah le mah a that aw tu Sulli thawn rual pi tha zet an si.
Sulli a thih lai ah Gu Hara cu japan ih a um ruang ah ruak vui ni ah a ra tel thei lo ih tap phah cing in instagram ah live a thlah a si

Gu Hara a thih nak san hi palik zung lam in an zingzoi rero lai a si. Athih hlan ah a um nak inn ih hmun pakhat ah caa tawi te pakhat a tan ta. Cui caa tawi te hmang in palik pwl cun an zingzoi peh vivo ding ti thu theih a si.

Gu Hara ih rualpi Sulli cu amah le mah that aw ih thi a si ih Gu Hara cu mah te that aw maw ih thi maw a si, a si lo len mi kut ih thi sawn saw a si timi cu thuhla fiangfel theih a si hrih lo.