Myanmar Titoih Puai Ih Fehtu lakah Hriamhrei keng an um

Kawl kumthar titoih puai cu April 13 – 16 ah Kawlram hmun tinkim ah tuah rero a siih Buddhist sakhua biaktu pawl cun sunglawi zetin an hmang rero. Hi kumthar titoih puai ahhin thihnak tongtu khal kum tinten an um ringring. Tuikum khalah ziang duhsan ti theih hrihlomi tlangval pakhat cu nam thawn rori in an kumthar titoih puai cu a hmangih kaih a tong.

Chioh kawpi ih titoih puai mandat hmaiah zuri tahratin nam ken ih lam ciamcotu mipa pakhat cu an kai ih case an tuahsak tiah theih a si.

Mague ramțhen Chioh khawpi nambat 10-nak veng Patamia lam lanmahdaw lamzin ih titoih puai mandat hmaiah mi pakhat cu a tai ah nam pai tahratin April 13 zaanlam suimilam 6:30 hrawngah zuri in a lam ciamco. Hi zuripa cu Pyea Phyo Paing @ Ta Paing (kum 24) a si thu theih a si.

Titoih puai ahcun zuri zet cingin a tai ah namte letmah pariat le hrek a pai in puai hmun ahcun a lam ciamco ruangah kaih a si thu palik pawlin tlangthannak a nei.

Hi thuhla thawn pehparin Chioh khawpi Shwe Dwin Gone lam nambat 12-nak veng ih um Pyea Phyo Paing @ Ta Paing cu (kum 24) cu Chioh khawpi palik zung in (ပ) 576/2019 hriamhrei daan 19(d) thawn case an tuahsak ih a thuhla a zingzoi rero tiah theih a si. Ref : AKT